Eddie Gutierrez, cancer-free na

Ginkumpirma sang anay beauty queen kag aktres nga si Ruffa Gutierrez nga cancer-free nga ang iya amay si Eddie Gutierrez.

Suno kay Ruffa, duha ka semana na ang nakaligad sang mabaton sang mga ini ang balita kag padayon nga nagamaayo ang kondisyon sang iya amay.

Samtang, ginpanginwala naman ni Ruffa ang mga nagalapta nga sala nga impormasyon angot sa iya nga iloy nga si Annabelle Rama.

Suno sa actress, alive and kicking ang iya nga iloy.

Nagpanawagan man ini sa publiko nga mangin responsable sa ginapalapta nga sala nga impormasyon sa publiko.