Ginpahayag sang kampo ni Sen. Bato Dela Rosa nga ginaproteksyunan lamang sang senador ang iya kinamatarong gani wala ini nagapakita sa publiko.
Ini ang nangin paathag sang abogado ni dela Rosa nga si Atty. Israelito Torreon sang ginpamangkot kun ano ang nagakaigo nga paglaragway sa sitwasyon sang senador.
Samtang, padayon naman sini nga ginakwestyon ang P50 million nga padya batok kay dela Rosa, kag ang pagkabig sa iya bilang ‘armed and dangerous’ nga suno diri, daw kaangay sang ‘shoot to kill order’.
Ginhangkat ni Torreon ang mga luyag nga ma-priso si dela Rosa, nga dal-on ini sa lokal nga korte kag ginpahayag nga naga-function man ang ‘justice system’ sa pungsod.
Sa pihak sang na-expire na nga ‘ultimatum’ sang Philippine National Police kag pagbutang sang bounty sa ulo sang senador, ini ang wala gihapon naaresto.
Si Senator Bato ang isa sa mga ginpangalanan nga co-perpetrator ni former president Rodrigo Roa Duterte sa kaso nga ‘crimes against humanity’ sa International Criminal Court bangud sa implementasyon sang madugo nga ‘war on drugs’.
