Gin-aprubahan sang Department of Labor and Employment (DOLE) ang pagpatuman sang dugang nga sweldo para sa mga
minimum wage earner sa Western Visayas (Region VI) at SOCCSKSARGEN (Region XII).
Sa Region VI, magadugang sang P40 tubtob P45 ang daily wage sang mga mamumugon nga mangin epektibo umpisa subong nga Nobyembre 19, 2026.
Makabaton sang dugang nga P500 sa ila nga bulanan nga minimum wage ang mga kasambahay o domestic workers sa buong Western Visayas.
Samtang, sa Region XII naman ginalauman ang P41 nga dugang sa daily wage sang mga mamumugon sa pribado nga sektor nga ihatag sa duha ka tranches.
Ipatuman ang una nga tranche nga P16 humalin sang Nobyembre 19 samtang ang nabilin nga P25 ang mangin epektibo sa Enero 1 sa maabot nga tuig.
Makabaton man ang mga house helpers sa SOCCSKSARGEN sang dugang nga P450 sa ila nga bulanan nga sweldo agud nga makabulig sa pang adlaw-adlaw nga gastuson.
