Nangin madinalag-on ang Negros Occidental Police Provincial Office (NOCPPO) sa pagpatuman sang security plan sa duha ka adlaw nga pag-obserbar sang Undas 2026.
Sa interview kay Police Major Judesses Catalogo, Spokesperson sang NOCPPO, wala sila sang narecord nga major incident sa sulod sang mga patyo sa bilong nga probinsya.
Suno kay Catalogo, may yara sila sang narecord nga pagpangawat sa gwa lamang sa patyo apang gilayon naman nga nadakpan sang kapulisan ang suspect.
Ginapakamaayo man sini nga na-edukar na ang mga pumuluyo kag nakahibalo na ang mga ini sa mga regulasyon gani wala sang narecord nga mga untoward incidents.
Sa pihak nga bahin, ginpahayag man sini nga nakahanda naman sila para sa seguridad sa nagahilapat nga Paskwa.
Ginpangabay sa gihapon ni Catalogo ang kooperasyon sang publiko angud mangin matawhay ang selebrasyon sang Paskwa. Samtang, wala sang narecord nga untoward incident ang Philippine Coast Guard, Coast Guard Station Northern Negros Occidental sa pag-obserbar sang UNDAS 2026.
Sa interview sang Bombo Radyo kay LTJG Richelito Arbis, Assistant Station Commander sang Coast Guard Station Northern Negros Occidental, base sa ila monitoring, wala sila sang narecord nga concerns bangud sa pantalan palang nga daan may nakadeploy na nga mga personnel nga nagabulig sa mga pasahero.
Suno kay Arbis, subong ang ulihi nga deployment sang ila personnel sa mga sa mga pantalan, terminal kag mga patyo.
Ginpahayag sini nga nangin madinalag-on ang Oplan Biyaheng Ayos: Undas 2026 bangud sa kooperasyon sang mga pumuluyo.
Ginpasalamatan man sini ang mga personnel kag iban pa nga ahensya sa pagbulig agud mapabilin nga matawhay ang Undas 2026.Sa pihak nga bahin, generally peacefull ang assesment sang Bureau of Fire Protection Bacolod sa duha ka adlaw nga pag-obserbar sang Undas 2026.
Sa interview sang Bombo Radyo kay Fsupt. Jenny Mae Masip, City Fire Marshal sang Bacolod City Fire Station, isa lamang lamang ka insidente sang sunog ang ila nga narecord nga natabo sang Nobyembre 1 kag ini ang magamay lamang.
Ginpasalamatan sini ang tanan nga BFP personnel nga mas gin-una ang pagserbisyo sa mga pumuluyo nga nagabisita sa ila pinalangga nga minatay sangsa ila kaugalingon nga pamilya agud masiguro nga mangin matawhay ang pagselebrar sang Tigkalalag.
