Ginpahayag sang labor advocate nga tama pa ka kulang ang gin-aprubahan nga P40 tubtob P45 nga dugang sa bulanan nga sweldo sang minimum wage earners sa Western Visayas.
Sa interview sang Bombo Radyo Bacolod kay Wennie Sancho, Secretary General ng General Alliance of Workers Association (GAWA), tuman ka diutay lamang ang nasambit nga wage increase bangud indi ini makaigo agud nga mabuhi ang pamilya nga may lima ka miyembro.
Suno kay Sancho, pila na katuig nga nagapatuman sang wage increase apang wala nalab-ot ang living wage.
Ginpahayag sini nga wala nahatagan sang makabuhi nga sweldo sa baylo ang nabaton sang mga ini ang starvation wage.
Dugang pa sini nga ang nasambit nga wage increase nga gin-aprubahan sang Department of Labor and Employment (DOLE) ang indi makaigo agud nga ma-recover purchasing power sang mga mamumugon.
Suno diri sa karun ang purchasing power sang labor sector ang padayon nga nagasarurot.
Bangud sini, nagaapelar ang mga ini sa gobyerno nga buligan ang mga mamumugon nga malab-ot ang living wage kag maaprubahan ang panawagan na P100 hanggang P150 na wage increase agud nga marecover ang purchasing power kag agud man makaangkon sang makabuhi nga sweldo.
