Nagpahayag sang pagduda si House prosecution spokesperson Ace Barbers nga makahatag sang ebidensya ang depensa nga magpanginwala sa mga dokumento nga ginpresenta batok kay Vice President Sara Duterte angot sa gina-alegar unexplained wealth.
Suno kay Barbers, mabaskog ang ebidensya, bangud nakalakip diri ang Statements of Assets, Liabilities, and Net Worth (SALN) nga ginpirmahan mismo sang Bise Presidente, kasubong man sang tax returns kag bank records.
Sa impeachment proceedings, ginbawi sang House prosecution ang tatlo sa apat ka Articles of Impeachment, gani Article II na lamang ang nabilin.
Ginhatagan pagtamod ni Barbers nga mabudlay pamatukan ang mga opisyal nga dokumento kag records nga ginpresentar sang prosecution.
Apang ginahulat pa ang sabat kag depensa sang kampo sang bise presidente angot sa mga alegasyon.
