Hugot nga ginpanginwala sang Bureau of Jail Management and Penology (BJMP) nga nagagwa sa Quezon City Jail-Male Dormitory si anay House Speaker Martin Romualdez.
Ginpahayag ni BJMP spokesperson Jail Superintendent Jayrex Bustinera, nga yara gihapon sa sulod sang pasilidad si Romualdez base sa kuha sang Close Circuit Television (CCTV) sang Nobyembre 4.
Gin-athag man sini nga wala sang natabo nga power interruption.
Gin-usisa naman sang maid-id sang BJMP ang CCTV kag ini ang operational kag wala sang anuman nga aktibidad nga wala na-record.
Ini ang pahayag sang BJMP nahanungod sa naglapta nga istorya nga ginatugutan nga makagwa ang mamalidha paagi sa pag-agi sa likod nga hagdanan sang pasilidad kag gin-alegar ang mga CCTV sa amo nga bahin ang ginapatay agud indi makuhaan sang footage.
Paathag ni Bustinera, wala sang anuman nga alagyan sa likod sang pasilidad bangud isa lamang ang gate kag ini ang yara nahamtang sa atubangan.
Ginmando man ni Jail Director Efren Nemeño, hepe sang BJMP, ang maid-id nga imbestigasyon tuhoy sa nasambit nga alegasyon nga nakagwa sa pasilidad si Romualdez sang Nobyembre 3.
