Ginpangunahan ni Negros Occidental Vice Governor Jose Benito Alonso ang pagkomemorar sang 128th Al Cinco de Noviembre ukon Negros Day sa Negros Occidental Provincial Capitol kaina sang aga.
Si Alonso amo ang nagpanguna bangod si Governor Eugenio Jose “Bong” Lacson ang nagpadulong sa Malacañang agud magbatun sang financial assistance para sa infrastructure damages sang maglaslas ang Bagyo Tino nga nag-anibersaryo naman kahapon, Nobyembre 4.
Sa mensahe sang Bise Gobernador, ang 1898 bloodless revolution ang historic event, nga nagshape sa character kag destino sang Negros Occidental.
Madumduman nga paagi sa pagmartsa dala ang mga amakan nga ginrolyo kag ginpintahan agud mangin kaangay sang kanyon, kasubong man ang pagbitbit sang paklang sang lubi nga ginpintahan kaangay sa armas, nahimo nga mapapati ang mga katsila nga mabaskog ang pwersa sang mga Negrense, gani sila ang nag-atras kag naagom sang probinsya ang kahilwayan.
Ang Al Cinco de Noviembre ang ginahiwat agud dumdumon ang malinong, apang maisog nga rebolusyon.
Ang maragtason nga chapter sang probinsya ang nagpakita sang extraordinary spirit kag kaisog sang mga Negrense, nga indi lamang paagi sa armas, kundi kaisog sang panindugan, paghugpong, kag determinasyon sa ginapatihan nga kawsa.
Suno diri, ang kaisog, kaalam, kag creative strategy sang mga Negrense sadto ang nagapakita man sang ila nga determinasyon nga maagom ang kahilwayan sa probinsya.
