Ginbawian sang kabuhi ang Spanish footballer nga si Jesus de Miguel sang CD Tenerife matapos ang pisikal nga pagbungguanay nila sang FC Andorra goalkeeper nga si Jesus Owono sa isa ka match sa Spain.
Natabo ang insidente sa katapusan nga bahin sang hampang sa diin patas ang score sang teams sa 2-2.
Bangud sini, gin-abandona na lamang ang match.
Suno sa Spanish media, nagsuprer ang 30-anyos nga si De Miguel sang cardiac arrest kag gin-resuscitate. Gilayon man ini nga gindala sa ospital kag ginpaidalom sa intensive care.
Sa pihak sini, gin-anunsyo sang Tenerife nga naglala ang kondisyon ni De Miguel tubtob nga ginbawian na ini sang kabuhi.
Gin-postpone sang Royal Spanish Football Federation ang tanan nga mga hampang sa Copa del Rey kag Copa de la Reina subong nga semana bilang respeto kag paghugpong para sa napatay nga footballer.
