Nagalaum ang Gobernador sa Negros Occidental nga mapabilin ang volume sang produksyon sang humay sa pihak sang katalagman tuga sang Super El Niño.
Suno kay Governor Eugenio Jose “Bong” Lacson, nagalaum ini nga kuntani mapabilin lang ang volume sang rice production kun indi man magsaka ang produksyon.
Gin-engganyo man ni Lacson ang mga rice framers nga yara sa rainfed areas ukon naga salig lamang sa pagtupa sang ulan, nga temporaryo nga magsaylo sa pagtanum sang drought resistant crops kaangay sang mga kararuton.
Sa pihak sini, may yara naman sang mga intervention kag preparasyon ang probinsya agud maprotektahan ang sektor sang agrikultra lakip na diri ang cloudseeding operation kag pagbutang sang mga ‘rubberized dam’.
Suno kay Lacson, magabutang sila sang dam sa kilid sang mga suba nga may yara pa sang tubig nga mahimo makabulig subong nga El Nino.
