Natalana nga umpisahan na ang deliberasyon sang proposed P5.3-billion budget annual budget para sa 2027 sa ciudad sang Bacolod.
Sa interview sang Bombo Radyo Bacolod kay Councilor Jude Thaddeus Sayson, Committee on Budget and Finance, Sangguniang Panlungsod, nagsaka sang P650 million ang proposed budget sang ciudad para sa madason nga tuig.
Suno kay Sayson, nagsaka ang budget matapos nga nangin hugot ang mga ini sa collection sang mga Land Tax kasubong man sa Business permits.
Ginpahayag sang konsehal nga sa budget deliberation ila imbetaron ang Budget Officer; City Treasurer kag City Accountant.
Gin-athag sini nga 6 percent lamang sang propose budget ang magakadto sa pagbayad sa loan sang ciudad sang Bacolod.
Ang dako nga bahin sang proposed budget ang magakadto sa Department of Social Services and Development samtang ginpadugangan ni Bacolod City Mayor Greg Gasataya ang budget para sa Bacolod City Comprehensive Health Program (BacCHP) kun sa diin nagdangat na ini sa P150 Million.
Gindugangan man ang budget para sa assistance ukon ayuda kag ang mga beneficiaries amo ang natumod sang ciudad nga nagakadapat mahatagan.
Ang mga mangunguma kag mangingisda ang may yara man sang pondo para sa ila.
Ginalantaw ni Sayson nga matapos ang budget deliberation sa December 15 bangud ang deadline sa sini amo sa December 31.
Samtang, ginpahayag sang konsehal nga ang ciudad ang wala nagpasaka sang buwis apang nag-istrikto na ang mga ini sa pagsuktanay.
