Ginkwestyon ni House private prosecutor Atty. Lorna Kapunan kun may nagakaigo nga basihan ang pang-apat nga witness sang depensa agud kwestyonon ang findings sa forensic report ni Atty. Alexander Cabrera sa impeachment trial ni Vice President Sara Duterte.
Ini ang nag-umpisa sang ginpamangkot ni defense counsel Atty. Justin Nicol Gular ang witness nga si Atty. Suzette Balucanag-Punay, in-house counsel sang duha ka korporasyon, kun ano ang makabig sini nga findings sa forensic report ni Cabrera santo sa personal niya nga ihibalo kag sa mga corporate records nga yara sa iya.
Gilayon naman nga nagpamangkot si Kapunan kun tinutuyo sang depensa nga ipresentar ang witness agud kontrahon ang testimoniya sang forensic experts.
Suno kay Kapunan, bangod kaangay nga ginapakita nga eksperto si Cabrera sa pag-atubang sa impeachment court, dapat nga pamatud-an nga kwalipikado ang witness nga maghatag sang komento ukon magkontra sa iya nga findings.
Panindugan sang prosekusyon nga kinahanglan nga mapaathag kun ano ang basehan sang personal nga ihibalo sang witness sa iya pagkomento sa nasambit nga forensic report.
Madumduman nga si Atty. Alexander Cabrera ang ginpresentar sang prosekusyon bilang expert witness agud magpagwa sang iya forensic findings angot sa mga corporate records ni Vice President Sara Duterte nga ginatalakay sa impeachment trial.
