Isa ka 67-anyos nga lola sa Colombia ang nagmanggaranon sa iya tumalagsahon nga palangabuhian, kag ini ang pagbaligya sang tsismis!
Ginkilala bilang “professional tsismosa” si Myriam, nga nagpahayag nga madamo ini sang nahibaluan nga niya ang mga problema kag sekreto sang mga tawo sa iya palibot.
Suno diri, ginasiguro niya nga insakto ang iya impormasyon paagi sa pag-verify sini sa iban nga tawo.
Nagadepende naman sa detalye ang presyo sang iya tsismis.
Ang ordinaryo nga impormasyon ang nagabalor sang 5,000 tubtob 10,000 Colombian pesos ukon kapin P100 tubtob P200.
Mas mahal naman ang presyo sang mga tsismis nga may kaangtanan sa eskandalo.
Kalabanan sa iya mga kliyente amo ang mga bana kag asawa nga nagaduda sa ila mga kahagugma.
Bangud sa dako nga kita sa sini nga negosyo, nakabakal na si Myriam sang duha ka balay.
