Prosekusyon kag Depensa, ginpahanumduman sa pagrespeto sa kinamatarong sang testigo sa impeachment trial

Naghatag sang pahanumdom si Senate Impeachment Court Presiding Officer Francis Escudero sa prosekusyon kag depensa nga ipabilin ang pagrespeto sa kinamatarong sang mga testigo sa impeachment trial ni Vice President Sara Duterte.

Suno kay Escudero, wala nagakahulugan nga mahimo na nga ma-contempt ang isa ka testigo bangod lamang wala nagustuhan ukon wala nalipay ang isa ka kampo sa iya sabat.

Panugyan niya sa tanan nga mangin kalmado kag magtigana sang nagakaigo nga pasensya sa pagpamangkot sa mga testigo.

Dugang pa niya nga dapat likawan ang mga pahayag kag pamangkot nga mahimo makapahog sa mga testigo sa baylo nga maduso sila nga magsabat sang hilway kag tampad.