Nangin emosyonal si Senator-Judge Pia Cayetano samtang ginatalakay ang pagbakal sang mga sapatos nga balor masobra P250,000 gamit ang credit card ni Atty. Manases Carpio sa Kuala Lumpur, Malaysia.
Wala napunggan sang nga magpabutyag sang pagkadismaya sa mga pamangkot sang prosekusyon kay defense witness Chadrin Parian.
Ini ang natabo kasunod sang pagpamangkot kay Parian, amay sang isa sa mga bata nga kaupod sa basketball team nga Elite Philippines, kun sa diin man nagahampang man ang bata ni Carpio.
Ginponto sang senadora nga indi dapat madulaan sang gana ang mga tawo nga boluntaryo nga nagabulig sa mga atleta bangod sa paagi sa pagpamangkot tuhoy sa kaangay nga paggastos.
Madumduman nga kabahin sa mga gastos nga gintalakay sa impeachment trial ni VP Sara ang masobra P250,000 nga ginbayad sa mga sapatos nga ginbakal para sa mga lamharon nga atleta.
