Posible nga malampuwasan sang Commission on Elections (COMELEC) ang target sini nga 3 million ka mga bag-o nga rehistrado nga botante para sa 2028 National and Local Elections, kasunod sang mataas nga numero sang mga nagparehistro sa una nga adlaw sang voters registration.
Suno kay COMELEC Chairman George Erwin Garcia, halos 80,000 na ang na-record nga aplikasyon sa bug-os nga pungsod humalin sang nagsugod ang registration sang Nobyembre 10.
Mas mataas sangsa nakaligad nga registration period sang Agosto 2025, sa diin yara sa 20,000 lamang ang recorded nga nagparehistro sa una nga duha ka adlaw.
Ini ang ginkalipay man ni Garcia, sa diin nagdagsa ang mga kabataan partikular na ang mga naga-edad 17 kag 18, sa diin nagapakita sang interes para sa masunod nga eleksyon.
