Walo patay, 19 pilason sa pagkarumpag sang 3-storey building sa New York

Walo ang ginbawian sang kabuhi samtang 19 naman ang pilason matapos matiphag ang isa ka building nga may tatlo ka panalgan sa Flatbush Avenue, Brooklyn, New York.

Santo sa New York City Fire Department, apat sa mga pilason ang yara sa kritikal nga kondisyon kag padayon nga ginabulong sa ospital.

Nagapadayon ang search and rescue operations sa lugar agud matumod kun may-ara pa sang mga tawo nga na-trap sa idalom sang mga debrees.

Kalakip sa mga naluwas sa pagka-trap ang isa ka babayi nga nagabusong.

Base sa inisyal nga impormasyon, tupad sang establisyemento ang isa ka construction site kun sa diin ginapatigayon ang excavation work.

Ginaimbestigaran na sang mga otoridad ang posible nga gintunaan sang insidente.