Apisar nga wala sang dugo nga Pilipino, wala sang pagpangduhaduha nga nagpartisipar kag nagdonar sang dugo kag kantidad ang Indian Community sa ciudad sang Bacolod, sa ginpatigayon nga Dugong Bombo 2026.
Sa interview sang Bombo Radyo Bacolod kay Vic Singh, representative sang Punjabi Khalsa Diwan, sila ang pila ka tuig na nga naga-upod sa blood letting activity sang Bombo Radyo Philippines.
Kun sa diin nakasugtan nila nga indi lamang dugo ang idonar, kasubong man ang P10,000 nga monetary donation gikan sa ila nga collections.
Suno kay Singh, siya ang feeling blessed sa tion nga magdonar sang dugo, bangod kabaylo sang tuman ka gamay nga sakit, may masugpunan nga kabuhi.
Si Singh ang miyembro man sa Rotary Club Bacolod North.
Nag-una naman ini sa iya mga kaupdanan, nga gintapos anay ang ila nga mga collections kag nag-apas na lamang dala ang ila monetary donations.
Panawagan sini sa iban nga magpadulong man sa City Mall Mandalagan kag magdonar sang dugo, bangod manami sa pamatyagan kun may masalbar nga kabuhi.
