Personnel sang Bacolod Police Station 1 ang nangin first successful blood donor sa Dugong Bombo 2026: A little pain, A life to gain sang Bombo Radyo Philippines, in partnership sa Bombo Radyo Philippine Foundation Inc. kag Philippine Red Cross.
Sa interview sang Bombo Radyo Bacolod kay Police Chief Master Sgt Michael Dela Peña, nagapati ini sa hurubaton nga “If you give blood, you give hope.”
Suno diri, madamo sang mga police personnel gikan sa nagkalainlain nga police units ang nagpartisipar sa blood letting drive.
Nagaserbe naman niya nga panata ang pagdonar sang dugo kada tuig, sa tinutuyo nga makabulig sa magakinahanglan sini.
Gintempranuhan sini ang pagpadulong sa City Mall Mandalagan agud makahingagaw sa trabaho, samtang ang iban niya nga kaupdanan ang nag-apas na lamang.
Panawagan sini sa iban pa nga maghingagaw man kag magdonar sang dugo agud makabulig sa isig-kapareho.
