Nagtabok sa ciudad sang Bacolod ang pila ka mga personnel sang Philippine Air Force (PAF) Tactical Operations Group 6 (TOG 6) nga halin pa sa Dingle Iloilo agud makigbahin sa Dugong Bombo 2026 sa CityMall Mandalagan kahapon, Nobyembre 14.
Sa interview sang Bombo Radyo kay PAF Director for Administration sang TOG 6 Second Lieutenant (2LT) Verna Mae Baito, isa gid sa ila ginapreparahan nga mga aktibidad amo ang Dugong Bombo 2026.
Anum sa ila mga personnel ang nagparegister nga lunsay nangin succesful blood donors.
Samtang suno kay Baito, luyag gid tani niya nga magdonar sang dugo apang gina-ubo siya.
Sa pihak sini, nagalaum siya nga makadonar siya sang dugo sa masunod nga Dugong Bombo.
Ginpasalig man ni Baito nga ang PAF ang nagasuporta gid sa mga aktibidad sang Bombo Radyo ilabi na ang blood letting activity nga dako gid nga bulig sa isig kapareho.
