Madinalag-on nga nakadonar sang dugo ang isa ka manunudlo nga avid listener sang Bombo Radyo sa Dugong Bombo 2026: A little pain, A life to gain sang Bombo Radyo Philippines, in partnership sa Bombo Radyo Philippine Foundation Inc. kag Philippine Red Cross.
Sa interview sang Bombo Radyo kay Alcynia Christine Orense, manunudlo sa Ramon Torres National High School sa Bago City, ini ang ikatatlo ka tuig niya nga pagdonar sang dugo sa Dugong Bombo.
Suno kay Orense, ang iya nga lola nga avid listener sang Bombo Radyo ang nagtaliwan sang 2022.
Siya ang nagaedad sang 45 kag may isa ka bata nga siyam ka tuig.
Isa man sa rason kun ngaa positibo gid siya nga magdonar sang dugo bangud ginapaminsar sini ang mga bata nga may dengue nga nagakinahanglan gid sang dugo kag nakahibalo man siya kun ano kabudlay nga mangita sang dugo.
AB+ ang iya nga blood type.
Suno kay Orense, nami ang iya nga pamatayag nga nakabulig.
Nagpagagda ini sa iban nga magdonar man sang dugo sa masunod nga Dugong Bombo agud makabulig sa isig kapareho.
