Matahom nga tourism spots sa Negros Island Region, dapat mapadayaw sa mga ASEAN leaders suno sa grupo sang mga negosyante
-- ADVERTISEMENT --

Ginpahayag sang Chief Executive Officer sang Metro Bacolod Chamber of Commerce and Industry (MBCCI) nga dapat nagahimo sang tikang ang regional tourism office sang Negros Island Region agud ma-market ang mga matahom nga tourism spots sang rehiyon ilabi na nga may opportunidad sa karun nga madamo sang ASEAN leaders ang nagpadulong sa pungsod para sa 49th ASEAN Summit.

Sa interview sang Bombo Radyo Bacolod kay Frank Carbon, dapat pangispuslan sang gobyerno ang tion nga ini agud nga makabaligya sang mga tourism destinations sa Negros kag makaganyat sang madamo nga mga investors.

Suno kay Carbon, ang NIR ang nagakinahanglan sang madamo nga mga investors gani dapat makahibalo ang gobyerno sa pagtanyag sang mga manami nga lugar nga mahimo bakasyunan, mga by products sang tubo kaangay sang bio ethanol kag madamo pa sang iban.

Dugang pa ni Carbon nga kun madamo sang ma-invests dako man ang opportunidad nga madamo man ang magapadulong sa pungsod nga mga turista bangud nga ang mga investors ang magamarket man agud may income ang negosyo kun sa diin ang mga ini nag-invest.

Ginpahayag man sini nga dapat kay-uhon man ang mga airports kaangay sang runway kag passenger terminals agud nga mas mahapos kag mas malip-ot ang biyahe sa mga turista agud nga indi maubos ang ila oras sa pag-travel.

-- ADVERTISEMENT --