ASEAN Summit, dapat may maayo nga benepisyo sa mga Pilipino suno sa labor advocate
-- ADVERTISEMENT --

Makamaayo sa Pilipinas ang pagpatigayon sang ASEAN SUMMIT para sa labor advocate, apang dapat may yara ini sang mabulig sa mga pumuluyong Pilipino.

Sa interview sang Bombo Radyo Bacolod kay Wennie Sancho, secretary general sang General Alliance Workers Association (GAWA), wala sang kwestyon ang pagpatigayon sang nasambit nga summit sa Pilipinas apang para sa ila ang gwa amo ang pakitang tao.

Suno kay Sancho, ang gobyerno ang nagpain sang P22.9 billion para sa pag-host sang ASEAN Summit kag indi man lipod sa ihibalo sang mga pumuluyo nga indi man ini maubos gamit gani ang dako nga pamangkot diin makadto ang bilin nga pondo.

Dugang pa sini, ang atun ekonomiya ang nagakinahanglan sang bulig apang suno diri paano mabuligan ang pungsod kun ang gobyerno ang nagapakita sa mga dignitaries kag leaders nga nagikan sa mga pungsod nga miyembro sang ASEAN nga may ikasarang ang gobyerno.

Ginpahayag man sini nga dapat nga ipakita sang gobyerno ang matuod nga sitwasyon agud nga mabuligan sang iban nga pungsod.

-- ADVERTISEMENT --

Suno pa diri, wala man nagnubo ang mga presyo sang produktong petrolyo kag mga balaklon.

Nagalaom man ini nga mangin maayo ang resulta sa tion nga matapos na ang nasambit nga summit para sa ekonomiya sang mga pumuluyong Pilipino.