Pilipinas kag Australia, nagpirma sang bag-o nga defense cooperation arrangement
-- ADVERTISEMENT --

Ginpirmahan sang Pilipinas kag Australia ang panibag-o nga Defense Cooperation Arrangement (DCA) nga may katuyuan nga pasanyugon ang defense cooperation sang duha ka pungsod kalakip ang mas madasig nga koordinasyon sa mga military activities kag pagsabat sa mga kalamidad.

Ginpabaskog nanday Defense Secretary Gilberto Teodoro Jr. kag Australian Ambassador to the Philippines Marc Innes-Brown ang kasugtanan sang Nobyembre 15 sa Eva Macapagal Cruise Terminal sa Manila South Harbor.

Ang signing ceremony ang ginpirmahan ni Australian Prime Minister Anthony Albanese nga yara sa Pilipinas para sa 49th ASEAN Summit.

Ginpaathag ni Teodoro nga ang nagapanguna nga katuyuan sang bag-o nga kasugtanan nga pasimplehon ang mga proseso sa idalom sang Philippines-Australia Status of Visiting Forces Agreement (SOVFA) agud nga mapadasig ang koordinasyon kag pagpatigayon sang mga aktibidad sang militar sang duha ka pungsod.

Suno diri, sa baylo nga maglabay sa madamo nga tikang agud mapatuman ang isa ka aktibidad, ginalauman nga mangin mas masimple kag mas madasig na ang proseso.

-- ADVERTISEMENT --

Kalakip sa mga sakop sang kasugtanan ang mas madamo nga aktibidad sa kadagatan, kahawaan kag duta, kasubong man ang military exercises, pagpalapnag sang impormasyon kag pagpabaskog sang ikasarang sang ila nga pwersa militar.

Isa man sa gin-emphasize ni Teodoro ang mangin benepisyo sini sa panahon sang kalamidad.