P160,000 gikan sa P300,000 nga subsidy sa Brgy Villamonte para sa Electric Masskara, ginbalik sa Bacolod City Government
-- ADVERTISEMENT --

Ginbalik sang Punong Barangay sang Brgy Villamonte, ang P160,000 nga subsidy nga ginhatag sang City Government para sa Electric Masskara.

Ginsumiter ni Punong Barangay Rommel Flores ang liquidation sang ila gastos sang Nobyembre 12.

Sa ila budget proposal, ang P300,000 nga subsidy ang natalana dapat sa Costume – P90,000, Float – P80,000, Choreographer Talent Fee – P40,000, Dancers Talent Fee – P20,000, Working Committee – P40,000, Drum Beaters – P15,000, Canter/Fuel – P5,000, kag 30 ka Tshirt – P10,000.

Sa ginsumiter nga Summary of Liquidation and Expenses, P50,000 lamang ang nagamit sa P90,000 nga budget para sa Costume, P20,000 naman ang gingamit sa P40,000 nga budget para sa Working Committee; samtang wala ma-usar ang budget para sa Float, Drumbeaters, kag Canter/Fuel.

Sa interview sang Bombo Radyo Bacolod kay Bacolod City Legal Officer Atty Karol Joseph Chiu, ginkumpirmar sini nga gin-uli ni Flores ang P160,000 gikan sa P300,000, apang ginahulat pa nila ang resibo nga magasuporta diri.

-- ADVERTISEMENT --

Madumduman nga wala ginpasugtan sang organizer nga makapasakop sa Bacolod Electric Masskara bangod sa indi nagakaangay nga itsura sang float.

Para kay Chiu, compliant ang Brgy Villamonte sa liquidation, kag nagpakita man sang accountability.

Kun sa diin wala ginbayaran ang float kag iban pa nga wala nagamit, kag ginbuhinan ang budget sa pila ka aspeto.

Apang nakadepende pa sa assessment sang City Treasurer’s Office kag Commission on Audit kun makapasar sa ila ang report sang Barangay Villamonte.