US Pres. Donald Trump, naglupad na padulong sa Asya sa plano nga magpatigayon sang nuclear talks sa Presidente sang China kag Russia
-- ADVERTISEMENT --

Nagbiya na si US President Donald Trump kahapon padulong sa Asia, para sa mga kasugtanan nga pang-ekonomiya kag maragtason nga pakigkita sa lider sang China kag Russia para sa nuclear talks.

Plano man ni Trump nga talakayon ang lima na ka tuig nga gyera sang Russia kag Ukraine kadungan sang ila pagsinapol nanday Chinese President Xi Jinping kag Russian leader nga si Vladimir Putin sa China.

Ginpahayag ni Trump nga talakayon sini sa mga lider sang China kag Russia ang gyera, sa pihak sang nauna nga pahayag sang iya administrasyon sang Biyernes, nga nakatutok ang paghinun-anon sa nuclear disarmament kag kinagamo sa Iran, kag indi kalakip sa agenda ang tensyon sa Russia kag Ukraine.

Nagpahayag naman sang pagkabalaka si Ukrainian President Volodymyr Zelenskyy sa ginaduso nga meeting nanday Trump, Putin, kag Xi.

Ginkumpara ang nasambit nga summit sa Yalta Conference sang 1945 sa diin ang mga lider sang Estados Unidos, Britain, kag Soviet Union ang nagkasugtanay nga tungaon ang Germany kag Berlin sa apat ka military occupation zones pinal nga ginkasugtan sang mga ini ang mga plano para sa pagtukod sang United Nations (UN).

-- ADVERTISEMENT --