Nagapangagda ang focal person sang organic agriculture sang Kabankalan City Local Government Unit nga bisitahan ang ila nga kiosks sa nagapadayon nga 19th Negros Island Organic Farmers Festival nga opisyal nga ginbuksan subong nga adlaw, Nobyembre 17.
Sa interview sang Bombo Radyo Bacolod kay Karen Joy Baja, madamo ang Kabankalan City sang gin-display nga mga organic products sa ila nga kioks kaangay lamang sang bugas nga ila best seller, fresh milk kag nasari-sari nga utan.
Suno kay Baja, kahapon sang aga maninit ang nagabakal apang sang hapon na, nagdamo na ang nagbakal sang indi na masyado kainit nga bisan tunga pa sa sako sang bugas may yara na sang nagabakal.
Dugang pa sini nga kahapon, nagdangat sa kapin P8000 man ang ila nga na-income.
May yara man sila sang price lists agud nga indi sila magsala sa ila nga pagbaligya.
Nagpanawagan si Baja sa tanan nga bisitahan ang ila nga kiosks bangud madamo sila sang ginadisplay nga mga organic products.
Suno diri, bisan late pa nga makagwa sa trabaho mahimo gihapon makahapit bangud bukas man sila.
Ang 19th Negros Island Organic Farmers Festival ang ginbuksan kahapon kag magadugay sa Nobyembre 21.












