Political analyst sa Bacolod, nagapati nga pirmahan ni President Bongbong Marcos ang Pax Silica initiative nga ginatanyag sang America sa Pilipinas
-- ADVERTISEMENT --

Dako ang pagpati sang political analysts sa ciudad sang Bacolod nga pirmahan sang presidente ang mga dokyumento nga may kahilabtanan sa Pax Silica.

Sa interview sang Bombo Radyo Bacolod kay Atty. Jomax Ortiz, bisan ano pa nga protesta sang mga pamatan-on nagikan sa nagkalain-lain nga dalagko nga unibersidad sa Pilipinas kaangay sang University of the Philippines agud pamatukan ang pagtukod sini sa Luzon bangud sa kahalitan nga matuga sa mga mangunguma kag dunang manggad sang pungsod, wala sa gihapon ini sang mahimo kun pirmahan sang presidente ang kasugtanan.

Ginpahayag man sini nga ang pagpirma sang iban nga dalagko nga pungsod kaangay sang France, Germany kag Italy ang dako nga butang nga magatulod kay President Ferdinand Marcos nga magapirma diri.

Suno kay Ortiz, ang paglantaw sini nga ang rason sa pagpatukod sang PAX SILICA sa Pilipinas ang bangud sa competition sa tunga sang China kag America.

Mahimo man nga mangin isa ini ka tug of sang mga dalagko nga pungsod para sa ekonomiya.

-- ADVERTISEMENT --

Dugang pa sang abugado nga kun ano man ang mangin epekto sang pagtukod sang Pax Silica sa Pilipinas, tion nalang ang makahibalo bangud ini ang bag-o sa mga Pilipino.

Ang Pax Silica ang isa ka United States-led international economic and security initiative nga ginlunsyar sang December 2025 agud magtukod sang resilient supply chains sang semiconductors, artificial intelligence (AI), critical minerals, kag advanced manufacturing.