Nagpaandam ang Pulupandan Municipal Police Station sa mga indibidwal nga nga nagalapas sa layi paagi sa pagsakit sa mga sapat.
Ginapahanumduman man ang mga dog owners nga mangin responsable sa pagpanag-iya sang mga sapat partikular na sang mga ido.
Sang damlag lang, may naglapta nga video sa social media nga nagapakita sang mga tinapay nga may unod nga mga dagum.
Santo sa nag-post sini, gin-alegar tuyo sang may kahimuan sini nga halitan ang iya ido.
Sa interview sang Bombo Radyo Bacolod kay Police Captain Rowell Peniero, acting chief of Police sang Pulupandan Municipal Police Station, ginpahayag sini nga ila nakita sa social media ang video kag gilayon nga ginpadulongan ang lugar sang insidente.
Suno diri, nagreklamo naman ang tag-iya sang ido sa ila nga barangay.
Pahanugyan ni Polvora sa may kahimuan sini nga indi na pagliwaton bangud may yara ini sang nagakaigo nga kaso kun sila ang maaktohan kag madakpan.
Paabiso naman sa mga tag-iya nga siguruhon nga safe ang ila mga sapat.
Mahimo higtan, ibutang sa cage, ukon isiguro nga indi makagwa sa balay agud malikawan ang kaangay nga insidente.









