Nagsugtanay ang tatlo sa pinakagamhanan nga mga lider sa bug-os nga kalibutan nga sanday United States President Donald Trump, Russian President Vladimir Putin, kag Chinese President Xi Jinping nga pabaskugon ang global peace kasunod sang ila labing-una nga trilateral meeting sa Shenzhen, China, kahapon, kadungan sang Asia-Pacific Economic Cooperation (APEC) Summit.
Naglawig sang isa ka oras kag 20 minutos ang paghinun-anon, sa diin gintalakay ang seguridad, enerhiya, kag gyera sa Ukraine.
Sa ila nga joint declaration, hugot nga ginpaathag nga dapat wala sang nuclear war nga matabo.
Gintalakay man ang pagpasanyog sang produksyon kag suplay sang petrolyo.
Ginpahayag ni Trump ang importansya sang bukas nga komunikasyon agud malikawan ang mga kinagamo, samtang ginpabutyag naman ni Putin ang importansya sang pagtapos sang nagalala nga tensyon sa Ukraine.
Ginakabig nga maragtason ang nasambit nga pagsinapol bangud ini ang labing-una nga kahigayunan nga nagpatigayon sang trilateral discussion ang tatlo ka lider, sa tunga sang nagapadayon nga gyera kag magkatuhay nga interes sang tagsa ka mga pungsod.












