-- ADVERTISEMENT --
Wala ginalauman sang tatlo ka babayi sa China nga mangin problema ang ila nga bag-o nga itsura sa pagpuli gikan sa South Korea.
Sang Oktubre 2017, nagpadulong ang tatlo ka babayi sa South Korea agud magpaidalom sa cosmetic surgery.
Apang sang magapuli na sila sa kuntani sa China, nabudlayan sila nga makalusot sa immigration.
Bangud bag-o pa lamang ang ila nga operasyon, may mga bandage pa ang ila nga nawung.
Dako man ang ginbag-o sa ila nga hitsura kumpara sa ila laragway sa passport.
-- ADVERTISEMENT --
Bangud sini, wala gilayon nakumpirmar sang mga immigration office ang ila nga identity gani kinahanglan nga sila ang ipadailom sa dugang nga pag-usisa.
Naglapta sa social media ang ila nga laragway nga nagahulat sa aiport samtang gina-uyatan ang ila nga passport.










