Nagpromisa ang Japanese government sang kapin 70 billion japanese yen ukon halos P28 billion para suportahan ang Philippines’ Unified Package for Livelihoods, Industry, Food, and Transport (UPLIFT) Program, santo sa pahayag sang Malacañang.
Suno kay Palace Press Officer Undersecretary Claire Castro, ang commitment ang ginhimo kadungan sang 49th ASEAN Summit nga gin-host sang Pilipinas.
Sang Oktubre, ang Department of Social Welfare and Development (DSWD) ang naka-record sang masobra 1.5 million ka mga benepisyaryo nga nakabaton sang ila ikaduha na nga UPLIFT aid, kag padayon pa ang panagtaganay sa nagkalain-lain nga lugar.
Ginpahayag ni Castro nga nagpirma man ang mga miyembro sang ASEAN sang isa ka enhanced memorandum of understanding nahanungod sa ASEAN Power Grid, kun sa diin magabuligay ang mga miyembro sa pagsabat sang fuel crisis kag supply diruptions.
Suno diri, ang Department of Energy na ang magahatag sang dugang nga detalye kag sang natalana nga tion para sa pagpatuman sang kasugtanan sa power grid.











