Bacolod City Mayor Greg Gasataya, ginpasalamatan ang Negros Occidental Provincial Govt sa suporta sa pag-host sang Batang Pinoy 2026
-- ADVERTISEMENT --

Ginpasalamat sang Bacolod City Government sa pagpanguna ni Bacolod City Mayor Greg Gasataya ang Negros Occidental Provincial Government bangud sa sa ila suporta sa pag-host sang Batang Pinoy 2026.

Sa interview kay Gasataya, all set na ang Bacolod City sa pag-host sang nasambit nga sporting event kag sang tinalikdan may yara sila sang ginpatigayon nga coordination meeting kaupod ang Philippine Sports Commission upod ang mga tiglawas sang ciudad kag sang provincial government agud nga mahitso na ang mga activities nga patigayunon sa opening sang Batang Pinoy.

Ang opening activities ang patigayunon sa Panaad Park and Stadium kag ini pagatambungan sang kapin 36,000 ka mga atleta, coaches kag iban pa nga mga bisita.

Suno kay Mayor Greg, natapos na ang tanan nga preparasyon kun sa diin nakahanda na ang mga patigayunan sang sporting events kasubong man ang mga belitting areas.

Dugang pa ang mga hotels, Air BnBs kag iban pa nga accomodation ang napuno na sang booking para sa mga delegado kag bisita para sa Batang Pinoy 2026.

-- ADVERTISEMENT --

Samtang magluwas sa Batang Pinoy may yara man sang patigayunon nga MMFF Parade of Stars and Smiles sa ciudad sang Bacolod sa December 12.

Ginalauman naman nga dako ang mabulig sang nasambit nga mga aktibidad sa ekonomiya sang ciudad sang Bacolod.

Ginpahayag man sang alkalde nga ginalantaw nga patigayunon ang parade of lights sang STI-West Negros University ang patigayunon sa closing ceremony sang Batang Pinoy 2026.