Aminado ang lead prosecutor sa Corona Impeachment nga sarang magamit ang Manager’s Check sa pagtago sang manggad sa Statement of Assets, Liabilities, and Net Worth (SALN).
Ini kasunod sang pagbuyagyag sa Senate Impeachment Trial nga may mga manager’s check si Vice President Sara Duterte.
Sa interview sang Bombo Radyo Bacolod kay former Iloilo 5th District Representative Atty Neil “Junjun” Tupas, kinahanglan nga may unod ang bank account sang isa ka persona antes sila nga makakuha sang manager’s check.
Kun sa diin gikan sa personnal account, ang kwarta ang isaylo sa settlement account sang bangko kag hatagan na lamang sang manager’s check ang persona.
Suno kay Tupas, ang manager’s check ang ‘good as cash,’ kag ang bangko na mismo ang nagapamatuod nga ang kwarta ang yara sa ila.
Ang manager’s check ang tubtob lamang sa anom ka bulan, kag ang indi magamit nga kwarta ang magabalik lamang sa ila personal account pagdangat sa deadline.
Kun masaylo sa settlement account sang bangko, ini ang indi madeklarar sa SALN bangod ang balor ang indi naman makita sa ila nga personal bank account.
Suno kay Tupas, wala sang napamatud-an nga predicate crime nga required sa money laundering case, sa baylo nagapati si Tupas nga luyag lamang ipakita sang prosekusyon ang masami paggamit ni VP Sara sang manager’s check antes ang deklarasyon sang SALN.
Aminado ang abogado nga madamo sang mga politiko nga ginasaylo sa manager’s check ang ila kwarta antes ang SALN declaration.
Ini agud mapanubo ang madeklarar nga kwarta, para sa mas manubo man nga buwis, ukon sa tinutuyo nga matago ang dirty money ukon manggad nga nakuha sa sala nga pamaagi.
Paathag ni Tupas nga ang SALN ang ginadeklarar sa kada magtakop ang tuig lamang, gani mahimo gid nga maggamit sang manager’s check antes ang Disyembre, kag ang gintago nga kwarta ang magabalik lamang pila ka bulan makaligad sang deklarasyon.
