Plano nga tsekyaron kag imbestigaran sang National Bureau of Investigation (NBI) ang Statement of Assets, Liabilities and Net Worth (SALN) ni Davao City 1st District Rep. Paolo ‘Pulong’ Duterte.
Suno mismo sa NBI director nga si Atty. Melvin Matibag, kinahanglan ma-tsekyar ang kaundan sang SALN sang nasambit nga mamalidha.
Gani natalana nga lantawon sang NBI ang mga propiedad nga gindeklara ni Rep. Pulong Duterte sa iya nga SALN matapos ma-imbestigaran ang SALN sang utod sini nga si Vice President Sara Duterte.
Apang, ginpanginwala naman ni Pulong Duterte ang ownership sa isa ka property malapit sa isa ka resort sa Davao City kag ginpahayag nga wala pa ini sang titulo ukon Transfer Certificate of Title.
Suno sa kongresista, ang mga akusasyon sa ila pamilya ang ginakabig ‘trial by publicity.’
