Nagapasalamat ang acting president sang CENECO Union of Rational Employees (CURE) nga ginbaton sang Negros Electric Power Cooperative ukon NEPC ang ila negosasyon nga mahatagan sang prayoridad ang mga empleyado sang Central Negros Electric Cooperative (CENECO) nga mag-apply sa ila.
Sa interview sang Bombo Radyo Bacolod kay Marbie Cabardo, ang pronouncement ni NEPC angot sa hiring ang resulta sang negosasyon nga ginhimo sang CURE.
Suno kay Cabardo, sa iya pagpanguna kaupod ang mayoriya sang CURE officers ang nagnegosyar sa NEPC sa paghire sang mga CENECO employees.
Suno diri, dako ang pagpasalamat nila kay NEPC President Roel Castro nga ginpamatian kag ginhatagan ligwa ang ila nga pagnegosyar.
Bangud man sa pronouncement, masobra sa 200 na sa 410 ka mga empleyado sang CENECO ang nag-apply sa NEPC.
Suno kay Cabardo, padayon man ang ila nga pagpaintsindi sa kaangay nila nga empleyado nga mag-apply na sa NEPC bangud may yara man sila sang priority.
Suno diri, mas maayo kun ang nagikan sa CENECO ang ihire sang NEPC bangud indi na kinahanglan sang training bangud halos pareho lang man ang trabaho magluwas nalang sa mas advance nga systema nga ginagamit sang NEPC.
