Ginpaandaman sang actor kag businessman Marvin Agustin ang publiko paagi sa social media batok sa persona nga nagapakilala nga siya.
Nagpahanumdom si Agustin sa publiko nga ireport sa bisan ano nga suspicious posts sa online platforms.
Santo sa official statement ni Agustin, luyag sini nga ipahibalo nga nakabaton ini sang pila ka mga reports sang social media accounts nga nagapakuno-kuno nga siya ukon tiglawas sini nga nagabaligya sang pila ka mga produkto.
Ang mga impersonators ang nagagamit sang pangalan, mga litrato kag videos kasubong man ginasunod ang tingog gamit ang Artificial Intelligence.
Bangud sini gina-abisuhan ang tanan nga ireport ang bisan ano nga suspicious posts sa online platforms.
Magluwas nga nangin aktor si Marvin, kilala man ini bilang negosyante.
Siya ang nagabaligya sang saboros nga mga pagkaon kaangay sang cochinillo, roast beef belly, kag grilled salmon, kasubong man ang desserts kaangay sang cakes kag cookies.
