Ginpahayag ni incoming Education Secretary Sonny Angara nga nagaplano ini nga diskusyunan ang natuhoy sa adjustments sa job qualification sa Civil Service Commission agud icater ang mga Senior High School graduates.
Suno kay Angara, posible nga may yara sila sang suhestiyon kun paano mahukas ang amu sini nga mga qualification nga college graduate sa tanan nga trabaho bangud indi tanan nga trabaho ang nagikan sa college degree.
Suno kay Angara, magaistorya ini sa mga business groups agud mabuksan ang mas madamo nga trabaho sa technical-vocation (tec-voc) SHS graduates.
Ang ini nga mga business groups ang ginalakipan sang Management Association of the Philippines, Philippine Chamber of Commerce and Industry, Federation of Filipino-Chinese Chambers of Commerce and Industry, kag Makati Business Club.
Suno kay Angara, siya ang magatrabaho agud mahatagan sang accredition sa mga senior high school graduates sa idalum sang tec-voc strand kag magcoordinate sa Technical Education And Skills Development Authority sa pag-address sang kakulang sang tec-voc trainers.
Nagalaom ini nga makapatigayon sang isa ka meeting sa mga undersecretaries kag assistant secretaries sang Department of Education sa turnover ceremony sa Hulyo 18.
