Nagsugod na ang Administrative complaint procedure para kay Police Staff Sgt. Bonifacio Saycon.
Sa interview sang Bombo Radyo Bacolod kay Natonal Police Commission Negros Island Region (NAPOLCOM-NIR) Director Atty Owen de Luna, ang Special Task Force Cimafranca sa pagpanguna ni Negros Oriental Police Provincial Office officer in charge Police Col. Lito E. Patay amo ang nagfile sang administrative case sang Enero 15.
Nabatun naman ni Saycon ang notice to file comment sang Enero 20 kag ini ang ginhatagan sang lima ka adlaw sa pagsabat.
Apang paathag ni De Luna nga magsabat man ukon indi si Saycon, magapadayun gihapon ang pre-charge investigation.
Ibase naman sa ebidensya kun ano ang administrative liability nga idagdag kay Saycon.
Suno diri, ang administrative case ang magapadayun bisan wala sang legal counsel ang akusado.
Napahibalo naman sa pamilya sang mga biktima nga nafile na ang administrative case.
Wala naman ini naghatag sang komento sa kabaskugon sang ila ebidensya.
Madumduman nga una nga ginpatay ni Saycon ang Guest Relations Officer (GRO) nga si Chiela Mae Dinawanao sang Enero 9, nga ginsundan sang pagluthang sini sa hepe sang Sibulan Municipal Police Station nga si Police Captain Jose Edrohil Cimafranca; kag sanday Police Senior Master Sgt Tristan Chua kag Patrolman Rey Albert Temblor.
Ini ang nagfile naman sang non-guilty plea sa arraignment sang iya multiple murder cases.
