Hugot nga ginabantayan sang Armed Forces of the Philippines (AFP) ang padayon nga pag-libot sang wala naganubo sa 90 ka indi otorisado nga barko sang China sa sulod sang West Philippine Sea sa bulan sang Marso 2026.
Suno kay Philippine Navy spokesperson for the West Philippine Sea Rear Admiral Roy Vincent Trinidad, na-monitor nila ang presensya sang People’s Liberation Army Navy (PLA-N) kag China Coast Guard (CCG) sa mga teritoryo sang pungsod.
Narekord ang pinakamataas nga presensya sa Bajo de Masinloc nga nagadangat sa 49 ka barko (17 PLA-N at 32 CCG).
Ginasundan ini sang Pag-asa Island nga nakit-an ang 15 ka mga barko, 14 sa Ayungin Shoal, kag 12 naman ka barko sa Escoda Shoal.
Ginpahayag ni Trinidad nga ang presensya sang mga barko ang kabahin sang malain nga motibo sang Beijing batok sa soberanya sang Pilipinas.
Apang, nanindugan ang mga opisyal nga indi maga-atras ang pwersa militar sa pagbantay sa kadagatan.
Sa kabug-usan nga datos sang militar sang Marso, nagdangat sa 22,755 ka mga barko ang nagsulod sa maritime zones sang Pilipinas kun sa diin 19,328 ang foreign-flagged samtang 3,428 naman ang lokal.
Bisan pa 14,990 ka mga barko ang nagsunod sa international nga mga pagsulundan, 7,765 ka mga barko ang wala nagsunod diri.
