Padayon ang pagkoordinar sang Philippine National Police sa Armed Forces of the Philippines angot sa nagluntad nga engkwentro batok sa New People’s Army sa banwa sang Cauayan.
Sa interview sang Bombo Radyo Bacolod kay Police Lieutenant Colonel Joem Malong, Public Information Officer sang Police Regional Office Negros Island Region (PRO-NIR), may yara sang gintukod nga checkpoint sa mga strategic areas sang banwa ang mga kapulisan.
Suno diri, ginatsekyar man nila ang kondisyon sang napilasan nga NPA nga padayon nga ginabulong sa ospital.
Suno kay Malong, nagakoordinar man sila sa militar sa pagsulod sang Scene of the Crime Operations (-SOCO) sa encounter site.
Samtang, gin-athag man sini nga may yara sang nagakaigo nga proseso sa pagrelease sang mga bangkay sang NPA kun magclaim ang pamilya.
Ini bangod may yara sang nagahambal nga sala ang cadaver nga nahatag sa pamilya apang suno kay Malong indi ini matabo bangod ang pamilya mismo ang naga-identify sa bangkay kag wala ginarelease ang cadaver kun indi ang pamilya mismo ang magkuha sini.
