President Bongbong Marcos, may salig gihapon sa AFP apisar sa impormasyon nga uniformed personnel kag member sang security group ni VP Sara ang involved sa alleged assassination plot

Nagapabilin nga hugot ang pagsalig ni President Ferdinand Marcos Jr. sa Armed Forces of the Philippines (AFP), sa pihak sang impormasyon sang National Bureau of Investigation (NBI) nga pila sa mga persons of interest sa ginaalegar assassination plot ang aktibo pa nga uniformed personnel kag security group ni Vice President Sara Duterte.

Suno kay Palace Press Officer Undersecretary Claire Castro, nagapabilin ang kumpiyansa sang presidente sa AFP.

Apang, ginpahayag sini nga kinahanglan matumod ang identity sang miyembro sang militar nga mahimo maglapas sa ila ginsumpaan nga katungdanan agud proteksyunan ang interes sang isa ka indibidwal batok sa layi kag konstitusyon.