Ginmando ni Agriculture Secretary Francisco Tiu Laurel Jr. ang gilayon nga pag-untat sang tanan nga agricultural land reclassification applications agud mapangapinan sang Department of Agriculture (DA) ang madasig nga conversion pressures sang farmland.
Sa department circular no. 1 nga ginpirmahan sang Enero 5, ginpatuman ni Tiu Laurel ang moratorium sa pagbaton kag pagproseso sang LandUse Reclassification Certification applications.
Epektibo ini gilayon kag magalawig tubtob Hunyo 2026.
Katuyuan sang tikang nga maghatag sang breathing room sa DA agud ma-reassess ang regulatory framework sini kag mapabaskog ang oversight sa tunga sang nagadako nga demand halin sa urban expansion kag infrastructure projects nga nagakaon sang farm areas.
Iproseso gihapon ang aplikasyon nga napasa na antes ang freeze apang ang mga appeals ang na-hold tubtob mabawi ang moratorium.
