Gin-anunsyar sang Israel ang bag-o nga air strikes sa teritoryo sang Hezbollah sa Lebanon kahapon, isa ka adlaw matapos 492 ang nagkalamatay lakip na ang 35 ka mga kabataan sa pinakamamatay nga pagpangbomba humalin sang gyera sang 2006.
Ang strikes nga ginpatigayon sang Israel sa sur nga bahin sang Lebanon ang matapos nagkalamatay ang madamo nga mga militants sang nag-igo ini sa kapin 1,600 suspected Hezbollah targets sa palibot sang pungsod.
Suno sa Hezbollah, naglunsyar ini sang madamo nga missiles sa military bases sang Israel pila ka oras matapos 180 sa mga projectiles kag isa ka unmanned aerial vehicle ang nagtabok sa airspace sang Israel rason kun ngaa nagdalalagan ang mga pumuluyo sa ciudad sang Haifa.
Suno sa Israeli military, masobra 50 ka mga projectiles ang ginpalupok sa northern Israel sa sulod lamang sang napulo ka minutos sang Martes sang aga kun sa diin kalabanan ang na-intercept.
