-- ADVERTISEMENT --
Liwat nga ginbuksan sang Iran ang ila airspace sa nasidlangan nga bahin sang pungsod matapos ang isa ka ceasefire kaupod ang Israel nga nagtapos sang 12 ka adlaw nga pag-ilinaway.
Ginsiraduhan sang Iran ang ila airspace humalin sang Hunyo 13 matapos naglunsyar ang Israel sang isa ka major bombing campaign nga nagduso sa Iran nga magretaliate sang missile strikes.
Nagtake-effect ang ceasefire sa tunga sang duha ka pungsod sang Martes.
Suno kay transport ministry spokesman Majid Akhavan, ang airspace sa eastern half sang pungsod ang liwat nga ginbuksan para sa international overflights kasubong man ang domestic kag international flights nga may origin ukon destinasyon sa mga airports nga nahamtang sa eastern Iran.
