Ginsabat sang 79th Infantry Battalion sang Philippine Army ang alegasyon nga ‘himo-himo’ lang ang natabo nga engkwentro sa banwa sang Toboso.
Sa interview sang Bombo Radyo kay 79th IB Commander Lt. Col Eric Alfonso, ginpanindugan sini nga imposible nga himo-himo lang bangud isa sa ila nga tropa ang napilasan kag nakita man sa publiko ang mga recovories nagikan sa mga New People’s Army nga napatay sa engkwentro.
Suno kay Alfonso, ang ila mga narecover nga mga kagamitan ang dutay palang bangud ang iban ang yara pa sa Scene of the Crime Operatives (SOCO) para sa exploiting kag documentation processing.
Nahibaluan nga may mga grupo nga nagapanindugan nga nagbayolar ang militar sa tawhanon nga kinamatarong kag International Humanitarian Law, gani sila ang dapat batikuson sangsa kilalahon.
Panindugan sini nga indi nila mahambal nga ang mga napatay ang sibilyan bangud sila ang nagahupot sang armas kag nagabato sa militar.
Nagapati ini nga ang madinalag-on nga operasyon ang makapahuyang gid sa pwersa sang NPA, nga magaresulta sa mas malawig nga kalinong sa lugar. Samtang, nagpabutyag sang kasubo ang Philippine Army bangod sa pagkamatay sang 19 ka indibidwal sa natabo nga engkwentro sa banwa sang Toboso, Negros Occidental sang tinalikdan nga Abril 19.
Sa interview sang Bombo Radyo Bacolod kay Lieutenant Colonel Eric Alfonso, commander sang 79th Infantry Battalion, nga sila ang nagakasubo man sa natabo, apang ginatuman lamang nila ang ila mandato nga mapabilin ang kalinong kag seguridad sa Northern Negros rehiyon batok sa mga terorista nga grupo.
Nagapanawagan ang Philippine Army sa publiko nga padayon sila nga suportahan agud matapos na ang problema sa mga communist terrorist group sa pungsod.
Mensahe ni Alfonso sa mga nabilin nga katapo sang mga rebelde, nga magbalik na sa sabak sang gobyerno.
Ginpahayag sini nga handa ang gobyerno nga batonon sila kag may yara sang mga programa nga ginpreparar para sa ila kag sa ila tagsa ka pamilya agud makabalik sa normal nga pangabuhi.
Sa pihak nga bahin, iya ginpahayag nga posible gikan sa encounter site ang mga na-intercept nga mga ginapatihan mga myembro sang makawala nga grupo sa Talisay City sang nakaligad nga adlaw.
Suno diri, si Glemmar Bacumos ang gina-alegar kaupod ni Jhong Tapang kag amo man ang sekretarya sang grupo.
