Padayon ang paghanda ni Alex Eala para sa French Open paagi sa duha ka magkasunod nga tournament sa Italy matapos ang produktibo nga kampanya sa Espanya.
Matapos nga makalab-ot sa second round sang singles kag doubles sa Mutua Madrid Open, determinado ang 20-anyos nga Filipina tennis star nga magbalik nga mas mabaskog.
May yara pa si Eala isa ka semana nga pahuway antes maghampang sa Internazionali BNL d’Italia sa Rome humalin Mayo 5 tubtob Mayo 17.
Isa ini ka WTA 1000-level tournament, isa sa pinakadako nga event antes ang French open.
Nalakip man si Eala sa listahan sang mga magahampang sa Parma Ladies Open sa Parma humalin Mayo 12 tubtob Mayo 17, apang nakadepende pa ang iya pag-intra sa mangin lakat sang iya kampanya sa Rome.
Ang nasambit nga mga clay-court tournaments amo ang maga-serbe bilang paghanda ni Eala para sa French Open nga patigayunon humalin Mayo 24 tubtob Hunyo 7 sa Paris.
Sa subong, yara na si Eala sa No. 44 sa world rankings kag target sini nga liwat nga makasaka matapos malab-ot ang career-best No. 29 sang tinalikdan nga bulan.
