Ginaproseso na sang Algerian boxer nga si Imane Khelif ang mga legal nga tikang batok sa mga report angot sa iya nga gender kasunod sa pagdaog sini sa 2024 Paris Olympics.
Madumduman nga nangin kontrobersiya ang pagdaog ni Khelif batok sa Italian nga si Angela Carini sa sulod lamang sang 46 segundos sa opening bout.
Nanaog gikan sa ring si Carini nga nagahibi kag may injury sa ilong.
Kasunod sini madamo sang naggwa nga reports sa France nga naga-alegar may yara sang male chromosomes ang 25 anyos nga si Khelif.
Ini nakakuha sang atensyon sang mga politicians kag personalities kaangay ni Italian Prime Minister Giorgia Meloni kag JK Rowling nga author sang ‘Harry Potter’.
Suno sa International Olympic Committee, ila naintindihan ang ginhimo ni Khelif nga pagfile sang complaint batok sa mga indibidwal nga nagkomento sa sitwasyon sini sa Olympic Games Paris 2024.
Suno pa sa IOC, makapila na nga beses nga nagcompete si Khelif sa women’s category sa international competition lakip na diri ang Tokyo Olympics sang 2021 kag International Boxing Association (IBA) world championships kag IBA-sanctioned tournaments.
Sa karun nagfile na sang complaint si Khelif sa France angot sa online harassment.
