Ginsaylo na sa Pasig City Jail Female Dormitory si dismissed Bamban, Tarlac mayor Alice Guo nagikan sa PNP Custodial Center sa Camp Crame, Quezon City sang Lunes sang aga.
Suno kay Bureau of Jail Management and Penology (BJMP) spokesperson Jail Superintendent Jayrex Joseph Bustinera, si Guo ang opisyal na nga ginbaton sa pasilidad alas 9:33 sang aga.
Nagbiya ang convoy ni Guo sa detention facility sa Camp Crame alas 8:49 sang aga.
Sang Biyernes pa kuntani natalana nga igatransfer si Guo sa Pasig City Jail apang wala ini nadayon bangud wala pa matapos sang Philippine National Police (PNP) ang pila ka mga requirements lakip na ang medical assessment.
Makaupod sang anay alkalde sa detention facility ang 44 ka mga inmates apang ang area ang gindesignate lamang nga mag-accomodate sang siyam ka mga detainees.
Bangud sa security concerns, nagalaom ang kampo ni Guo nga siya ang magapabilin sa kustodiya sang PNP.
