Ginpahayag ni Political Analyst Atty Jomax Ortiz nga igakustodiya sang senado si Dismissed Bamban, Tarlac Mayor Alice Guo sa pagbalik sini sa Pilipinas.
Sa interview sang Bombo Radyo sa abogado, gindakop sang Indonesian Police si Guo sa Tangerang City, Jakarta, Indondesia kaina kapin ala- 1:00 sang kaagahon.
Suno diri, gindakop si Guo bangod sa paglapas sini sa immigration law sa pagsulod sa Indonesia nga wala sang permiso.
Suno kay Ortiz, igakustodiya sang senado si Guo para magtestify ini sang iya bahin angot sa Philippine Offshore Gaming Operators (POGOs) sa Pilpinas.
Nagapati ini nga mas madalom pa gid ang imbestigasyon kay Guo angot sa pagpangtorture, pagpamatay kag human trafficking kag iban pa nga illegal activities sa POGO.
Apang, suno kay Ortiz nagapati man ini nga indi mahapos para kay Alice kag Shiela Guo kasubong may kay Cassandra Li Ong ang pagtuad sang sensitibo kag detalyado nga impormasyon angot sa POGO sa kahangawa nga mabutang sa katalagman ang ila nga kabuhi ukon ang ila pamilya.
Pahayag ni Ortiz, sa karun nga wala pa na issuehan sang warrant ang tanan nga case nga ginfile batok sa mag-utod nga Guo kag kay Li Ong, sila ang magapabilin sa kustodiya sang senado.
